Manía - Geðverndarfélag HÍ

Manía fær nýtt veffang.

maniais — Fri, 27 Jan 2012 14:58:37 +0000

Nú erum við í Maníu að hefja okkur til flugs að nýju en starfsemin hefur legið niðri um tíma.

Fljótlega verður auglýst nýtt veffang og fundur þar sem starfsemi Maníu verður kynnt.

Tökum með glöðu geði við ábendingum og tillögum.

Ragnheiður J. Sverrisdóttir

rjs2@hi.is

Er hjálp að fá? Aðgengi og viðhorf til heilbrigðisþjónustu á Íslandi.

maniais — Wed, 26 Oct 2011 21:45:16 +0000

Fyrirlestrarröð Miðstöðvar í lýðheilsuvísindum við Háskóla Íslands og Þjóðminjasafnsins í tilefni 100 ára afmælis Háskóla Íslands.

Heilbrigðisþjónusta er ein af grunnstoðum samfélagsins. Á fyrirlestrinum verður fjallað um svæðisbundið skipulag heilbrigðisþjónustu á Íslandi, um þróun þess og áhrif á heilsufar og notkun heilbrigðisþjónustu eftir búsetusvæðum. Þá verður geðheilbrigðisþjónustan rædd sérstaklega, notkun og viðhorf til hennar meðal Íslendinga, upplifun notenda og leiðir til úrbóta.

Hefst: 27/10/2011 - 12:00
Lýkur: 27/10/2011 - 13:15

Nánari staðsetning: Í sal Þjóðminjasafns

Fyrirlesarar:

Sigríður Haraldsdóttir, sviðstjóri Heilbrigðisupplýsingasviðs við Embætti landlæknis og doktorsnemi í lýðheilsuvísindum:
Hvernig er heilsufar og notkun heilbrigðisþjónustu eftir búsetu?

Sigrún Ólafsdóttir, lektor í félagsfræði við Bostonháskóla: Hvað skal gera? Viðhorf Íslendinga til notkunar á geðheilbrigðisþjónustu í alþjóðlegu samhengi

Auður Axelsdóttir, fostöðumaður Geðheilsu-eftirfylgdar Heilsugæslu höfuðborgarsvæðisins og Hugaraflskona: Hvar, hvernig, hvers vegna?

Fundarstjóri: Sigurður Guðmundsson, forseti Heilbrigðisvísindasviðs

Opið málþing með Daniel Fisher geðlækni, mánudaginn 20. júní

maniais — Sat, 18 Jun 2011 19:14:09 +0000

Hugarafl í samstarfi við Unghuga og Maníu stendur fyrir opnu málþingi mánudaginn 20. júní 2010 kl.16.00-18:00 í Skriðu, Háskóla Íslands við Stakkahlíð (áður Kennaraháskólinn).

Þar gefst færi á að hitta Dr. Daniel Fisher geðlækni við Riverside geðheilsumiðstöðina í Wakefield, Massachusetts.

Daniel, eða Dan eins og hann kýs að kalla sig, náði bata af geðklofa. Áður en hann varð geðlæknir lagðist hann nokkrum sinnum inn á geðsjúkrahús. Hann er einn fárra geðlækna í Bandaríkjunum sem ræðir opinberlega um hvernig honum batnaði af geðsjúkdómi sínum og er fyrirmynd fyrir aðra sem berjast við að ná sér. Hefur hann helgað líf sitt því að eyða goðsögninni um að ekki sé hægt að ná sér af geðröskunum. Bati hans og starf á þessu sviði urðu til þess að hann var valinn í nefnd Hvíta hússins um geðheilsu árið 2003.

Notendum geðheilbrigðisþjónustunnar, aðstandendum þeirra, fagfólki og áhugamönnum um geðheilbrigðismál hafa tækifæri til að spyrja Dan um sýn sína á bata, hlutverk notenda og ný viðhorf og úrræði í þessum málaflokki.

Aðgangur að fundinum er ókeypis og öllum opinn en þátttakendur eru beðnir um að tilkynna þátttöku sína til hugarafl@hugarafl.is.

Robert Whitaker á Íslandi laugardaginn 19. febrúar 2011

maniais — Mon, 07 Feb 2011 02:26:50 +0000

Hugarafl í samstarfi við Maníu og Unghuga stendur fyrir málþingi, laugardaginn 19. febrúar, kl. 14:00 til 17:00 í Kennaraháskólanum við Stakkahlíð í sal Skriðu.

Aðalræðumaður verður Robert Whitaker blaðamaður og rithöfundur sem hefur verið tilnefndur til Pulitzer verðlaunanna. Bók hans „Anatomy of an Epidemic“ sem kom út á síðasta ári hefur vakið verðskuldaða eftirtekt.

Aðgangur er ókeypis og öllum opinn.

Dr. Steindór Erlingsson vísindasagnfræðingur og Hrannar Jónsson félagar í Hugarafli munu einnig flytja stutt ávörp. Opið verður fyrir fyrirspurnir til Whitaker eftir erindi hans.

Fyrirlestur Geðfræðslunnar 26. janúar

maniais — Mon, 24 Jan 2011 22:36:43 +0000

Manía óskar öllum gleðilegs nýs árs og kynnir fyrirlestur Geðfræðslunnar 26. janúar næstkomandi í stofu 106 í Odda kl. 12:00. Fyrirlesarar verða Þórey Guðmundsdóttir og Hrannar Jónsson en þau eru meðlimir í Hugarafli, félagi notenda geðheilbrigðisþjónustunnar sem eru í bata og fagfólks. Geðfræðslan er fræðsluverkefni sem Hugarafl hefur sett á laggirnar með það markmið að draga úr fordómum gagnvart geðröskunum. Einnig er stuðlað að fræðslu um geðrækt, forvarnir og bataleiðir.

*Texti fenginn af www.hugarafl.is/gedfraedsla-hugarafls

Gert er ráð fyrir að fyrirlesturinn standi yfir í um 45 mínútur

Manía

www.mania.is

Mania presents Geðfræðslan’s lecture next Wednesday, January 26^th, 12:00 at Oddi in room 106. Lecturers will be Þórey Guðmundsdóttir and Hrannar Jónsson. They are members of Hugarafl, an association formed by four people, recovering from mental illness, and an occupational therapist with a lot of experience working within the psychiatric health care system.

Geðfræðslan is an educational program, formed by Hugarafl, which aims to reduce prejudice towards mental illness and educate about mental health, prevention and ways to recovery.

*Text borrowed from www.hugarafl.is/English-

The lecture is approximately 45 minutes

Manía

www.mania.is

Fyrirlestri Geðfæðslunnar frestað um sinn

maniais — Wed, 24 Nov 2010 14:27:10 +0000

Vegna óviðráðanlegra aðstæðna verður fyrirlestri Geðfræðslunnar á morgun frestað fram í janúar. Hann verður auglýstur þegar nær dregur.

Fyrirlestur Geðfræðslunnar í Háskólanum 25. nóvember

maniais — Tue, 23 Nov 2010 10:11:11 +0000

Manía kynnir fyrirlestur Geðfræðslunnar 25. nóvember í stofu 106 í Odda kl. 12:25. Fyrirlesarar verða Þórey Guðmundsdóttir og Hrannar en þau eru meðlimir í Hugarafli, félagi notenda geðheilbrigðisþjónustunnar sem eru í bata og fagfólks. Geðfræðslan er fræðsluverkefni sem Hugarafl hefur sett á laggirnar með það markmið að draga úr fordómum gagnvart geðröskunum. Einnig er stuðlað að fræðslu um geðrækt, forvarnir og bataleiðir.

*Texti fenginn af www.hugarafl.is/gedfraedsla-hugarafls

Gert er ráð fyrir að fyrirlesturinn standi yfir í um 40 mínútur

Mania presents Geðfræðslan’s lecture next Thursday, november 25^th, 12:25 at Oddi in room 106. Lecturers will be Þórey Guðmundsdóttir and Hrannar. They are members of Hugarafl, an association formed by four people, recovering from mental illness, and an occupational therapist with a lot of experience working within the psychiatric health care system.

Geðfræðslan is an educational program, formed by Hugarafl, which aims to reduce prejudice towards mental illness and educate about mental health, prevention and ways to recovery.

*Text borrowed from www.hugarafl.is/English-

The lecture is approximately 40 minutes

Manía verður með bás 10. október

maniais — Fri, 08 Oct 2010 18:46:08 +0000

Manía með fyrirlestur á Jafnréttisdögum

maniais — Wed, 22 Sep 2010 09:42:39 +0000

Þarf fyrsta árið í háskóla að vera helvíti?

Í tilefni Jafnréttisdaganna mun Manía, geðverndarfélag innan Háskóla Íslands, kynna starfsemi sína fimmtudaginn 23. september kl. 11:35 í HT 104 eða nánar tiltekið á Háskóltorgi, 1. hæð.

Að þessu sinni einbeitir Manía sér að nýnemum háskólans og vísar yfirskrift fyrirlestrarins, "þarf fyrsta árið í háskóla að vera helvíti?" til þeirrar óvissu og kvíða sem fólk upplifir oft fyrsta árið sitt í háskóla.

Nokkrir meðlimi Maníu munu deila reynslu sinni af því að byrja í háskóla og hver helsu bjargráðin voru.

Viðmælendur verða

Ragnheiður Jonna Sverrisdóttir, formaður

Eva Hrönn Árelíusd. Jörgensen, varaformaður

Þórey Guðmundsdóttir, meðstjórnandi

Allir velkomnir. Nýnemar eru þó sérstaklega hvattir til að mæta og taka þátt í skemmtilegum umræðum.

,,Það er mikið stökk að byrja í háskóla, maður hafði að vísu heyrt ljótar sögur um vinnuálagið en engu að síður gerði maður sér enga grein fyrr því hversu mikið þetta væri. Loksins verður maður að leggja töffarastælunum og byrja að læra. Mikilvægt að komast strax inn í góðna lærdóms hóp, annars er þetta bara búið fyrir þig" - 20 ára háskólanemi

,,Ég vissi ekkert við hverju ég átti að búast þegar ég mætti fyrstu dagana mína í verkfræði. Ég þekkti ekkert af fólkinu með mér, og ég vissi ekki alveg hvernig ég átti að haga mér. Ég reyndi strax að kynnast fólkinu með mér, mætti á alla viðburði fyrir nýnemana og sé svo sannarlega ekki eftir því. Náðist að þjappa hópnum okkar vel saman og er virkilega gaman að vera með krökkunum alla daga. Svo toppar maður vikuna á því að mæta í góða vísindaferð á föstudegi. Háskóli hefur farið fram úr mínum björtustu vonum og veit ég að hér hef ég eignast vini fyrir lífstíð." - 21. árs háskólanemi

Að læknast af geðröskun

maniais — Fri, 23 Apr 2010 14:28:06 +0000

Hugarafl í samstarfi við Háskólann í Reykjavík stendur fyrir opnu málþingi laugardaginn 15. maí 2010 kl.13.00-16:00 í Bellatrix salnum í húsnæði skólans í Nauthólsvík.

Frummælandi á málþinginu verður Dr. Daniel Fisher geðlæknir við Riverside geðheilsumiðstöðina í Wakefield, Massachusetts. Erindið verður flutt á ensku en samhliða verður reynt að varpa upp á íslensku helstu atriðum þess.

Daniel, eða Dan eins og hann kýs að kalla sig, náði bata af geðklofa. Áður en hann varð geðlæknir lagðist hann nokkrum sinnum inn á geðsjúkrahús. Hann er einn fárra geðlækna í Bandaríkjunum sem ræðir opinberlega um hvernig honum batnaði af geðsjúkdómi sínum og er fyrirmynd fyrir aðra sem berjast við að ná sér. Hefur hann helgað líf sitt því að eyða goðsögninni um að ekki sé hægt að ná sér af geðröskunum. Bati hans og starf á þessu sviði urðu til þess að hann var valinn í nefnd Hvíta hússins um geðheilsu.

Dagskrá málþingsins:

13:00-13:15 Auður Axelsdóttir, forstöðumaður Geðheilsa-eftirfylgd og Hugaraflsfélagi: ”Aldrei að segja aldrei”

13:15-13:30 Dr. Steindór J. Erlingsson vísindasagnfræðingur og Hugaraflsfélagi:

”Eiga geðlæknisfræði og trúarbrögð eitthvað sameiginlegt?”

13:30-14:30 Dr. Daniel Fisher geðlæknir:

“The importance of consumer/users gaining their voice locally and nationally to recover their life" (“Mikilvægi þess fyrir bata notenda að rödd þeirra heyrist í nærumhverfinu og á landsvísu”)

14:30-14.45 Kaffihlé

14:45-16:00 Fyrirspurnir

Fundarstjóri: Hrannar Jónsson Hugarafli

Aðgangur að málþinginu er ókeypis og öllum opinn en þátttakendur eru beðnir um að tilkynna þátttöku sína til hugarafl@hugarafl.is.

Um Daniel Fisher

Menntun og starfsferill

Daniel er með B.A. gráðu frá Princeton háskóla, lauk doktorsprófi í lífefnafræði frá Wisconsin háskóla og læknanámi frá George Washington háskóla. Hann sérhæfði sig og fékk starfsréttindi í geðlækningum við Harvard læknaskólann. Í dag er hann framkvæmdarstjóri National Empowerment Center (sjá heimasíðu miðstöðvarinnar á http://power2u.org) og er starfandi geðlæknir við Riverside göngudeildina í Wakefield í Massachusetts.

Fyrirlesari, kennari og fræðimaður

Daniel ferðast um öll Bandaríkin og víða um heim til þess að halda námskeið og fyrirlestra, kenna og skipuleggja ráðstefnur fyrir notendur geðheilbrigðiskerfisins, þá sem hafa náð bata, aðstandendur og fagaðila í geðheilbrigðisgeiranum. Markmið hans er að tala fyrir bata með notkun valdeflingaraðferða fyrir fólk sem hefur verið stimplað með geðraskanir. Hann hefur komið fram í ótal útvarps- og sjónvarpsþáttum, þ.á.m. CNN Special Report. Að auki er hann fræðimaður sem hefur rannsakað taugaboðefni við bandarísku geðheilbrigðisstofnunina (National Institute of Mental Health) og hvernig fólki batnar af geðsjúkdómum. Með Laurie Ahern þróaði hann Valdeflingarlíkanið og PACE batamódelið (Personal Assistance in Community Existence) sem gengur út á persónulegan stuðning úti í samfélaginu. Hann hefur hlotið ýmsar viðurkenningar fyrir starf sitt, t.a.m. verðlaun Clifford Beers geðheilbrigðissamtakanna og Bazelon miðstövar um lagaráðgjöf.

Höfundur

Dan hefur skrifað fjölda greina í fagtímaritum, svo sem "Hospital and Community Psychiatry" og "Psychosocial Rehabilitation Journal" og kafla í ýmsum bókum. Hann hefur auk þess gert mynd um mikilvæga þætti í bata, "Notendur sem þjónustuaðilar" og bækling, "Bati er fyrir alla", um sama efni.

Ný stjórn Maníu

maniais — Thu, 18 Mar 2010 22:51:06 +0000

Aðalfundur stjórnar Maníu var haldinn í dag. Ný stjórn var kjörin og hana skipa eftirfarandi:

Ragnheiður Jonna Sverrisdóttir formaður
Svava Arnardóttir varaformaður
Klara Ósk Hallgrímsdóttir ritari
Eva Hrönn Árelíusdóttir gjaldkeri
Ellen Dögg Sigurjónsdóttir meðstjórnandi

Félagið býður Svövu, Klöru Ósk og Evu Hrönn velkomnar til starfa og þakkar fráfarandi stjórnarmönnum samstarfið.

Sjálfshjálp við kvíða

maniais — Wed, 10 Mar 2010 14:04:13 +0000

Kæri háskólanemi.

Kvíði er eðlileg tilfinning sem allir kannast við. Háskólanemar þekkja vel að í krefjandi námi getur ýmislegt valdið kvíða. Yfirleitt varir hann stutt og hefur ekki áhrif á líf okkar eða hegðun. Erfiðara reynist þegar menn fyllast óeðlilegum kvíða eða sjúklegum.

Sjálfshjálparhópar hafa reynst gagnlegir til að takast á við margvíslegan geðrænan vanda. Slíkir hópar byggjast á því að fólk með samskonar vandamál hjálpast að með því að deila reynslu sinni og læra af reynslu annarra.

Manía hefur skipulagt sjálfshjálparhóp fyrir háskólanema sem glíma við kvíða. Hópurinn er ætlaður öllum þeim sem finna að kvíðinn torveldar þeim lífið. Ekki þarf sérstaka greiningu til að sækja fundina. Tveir kandídatsnemar, á lokaári, í sálfræði munu stýra hópnum.

Fundir verða haldnir á miðvikudögum klukkan 17. Fundirnir hefjast 17. mars næstkomandi. Þátttaka er ókeypis.

Skráning og nánari upplýsingar: mania@mania.is

Aðalfundarboð

maniais — Sun, 07 Mar 2010 09:53:46 +0000

Þann 18. mars verður kosið í nýja stjórn Maníu. Við leitum að áhugasömu fólki sem er tilbúið að taka þátt í starfi félagsins og efla þannig geðheilbrigði innan veggja Háskóla Íslands. Á þessu starfsári hefur félagið m.a. staðið fyrir fræðslufyrirlestrum og skipulagt sjálfshjálparhóp fyrir nemendur með kvíða, en starfssemi hópsins hefst 17. mars. Ýmislegt spennandi er fram undan hjá félaginu. Þetta er því kjörið tækifæri fyrir þá sem hafa áhuga á málefninu að bjóða sig fram til forystu.

Kosið verður um:
-Formann
-Fjóra stjórnarmenn (varaformann, ritara, gjaldkera, vefstjóra)
-Þrjá meðstjórnendur

Fundurinn verður haldinn í stofu 217 í Stapa (þar sem Bóksala Stúdenta var áður til húsa) og hefst klukkan 15:00.

Ef þú hefur áhuga á taka þátt í skemmtilegu og spennandi starfi þá endilega sendu framboð þitt eða fyrirspurnir á netfangið mania@mania.is

Fyrirlestur um félagsfælni

maniais — Sat, 06 Mar 2010 14:22:16 +0000

Manía kynnir fyrirlestur um félagsfælni, þriðjudaginn 9. mars í Öskju, stofu 131, kl. 12:00.

Sóley D. Davíðsdóttir og Sigurbjörg J. Ludvigsdóttir sálfræðingar Kvíðameðferðarstöðvarinnar (KMS) munu fjalla um eðli og afleiðingar félagsfælni sem er algengasta kvíðaröskunin, og hvernig vandi af þessum toga er meðhöndlaður hjá KMS.

Sóley Dröfn Davíðsdóttir er sérfræðingur í klínískri sálfræði og einn stofnenda Kvíðameðferðarstöðvarinnar. Sóley útskrifaðist sem sálfræðingur frá Háskóla Íslands árið 2001 og starfaði við geðsvið Landspítala –háskólasjúkrahúss frá 2001 til 2007. Hún hefur sérhæft sig í meðferð við kvíðaröskunum, sérstaklega félagsfælni. Sóley starfar nú við Kvíðameðferðarstöðina og sinnir þar rannsóknum, greiningarviðtölum og einstaklings- og hópmeðferð. Sóley lauk sérnámi í hugrænni atferlismeðferð á vegum Endurmenntunarstofnunar Háskóla Íslands og Oxford Therapy Center árið 2008.

Sigurbjörg Jóna Ludvigsdóttir er sálfræðingur og annar stofnenda Kvíðameðferðarstöðvarinnar. Sigurbjörg útskrifaðist sem sálfræðingur frá Háskólanum í Bergen í ársbyrjun 2003 og starfaði við geðsvið Landspítala-háskólasjúkrahúss (LSH) frá útskrift árið 2003-2007. Sigurbjörg hefur lagt sérstaka áherslu á að sinna hugrænni atferlismeðferð í hópum við ýmsum vandkvæðum, s.s. félagsfælni, ofsakvíða, þunglyndi og áfengis-og vímuefnaánetjun. Sigurbjörg starfar nú við Kvíðameðferðarstöðina og sinnir þar greiningu, einstaklings- og hópmeðferð, rannsóknum, handleiðslu og daglegum rekstri stöðvarinnar.

Hlökkum til að sjá sem flesta

Fyrirlestur um meðvirkni

maniais — Fri, 19 Feb 2010 00:00:00 +0000

Manía kynnir fyrirlestur Kristjönu Millu Snorradóttur á þriðjudaginn 23. febrúar í Öskju, stofu 131, kl. 12:00.

Kristjana Milla Snorradóttir iðjuþjálfi hefur mikla reynslu af því að starfa með börnum sem glíma við sálfélagslega erfiðleika. Hún hefur m.a. starfað á Barna- og unglingageðdeild Landspítalans BUGL, Meðferðarteymi Heilsugæslunnar í Grafarvogi og fyrir Krabbameinsfélagið. Í dag starfar Milla hjá ferðaskrifstofunni Vesturferðum.

Milla mun fjalla um það að eiga fjölskyldumeðlim eða náin ástvin sem glímir við alkóhólisma eða aðra geðröskun. Fyrirlesturinn á þó ekki síður við um það að vera aðstandandi einhvers sem glímir við krabbamein, flogaveiki eða annan langvinnan sjúkdóm. Að vera aðstandandi veldur oft óöryggi og varnarleysi. Fólk getur upplifað mikinn ótta og hegðunarmynstur og hlutverk geta brenglast. Komið verður inn á hugtakið meðvirkni og hvaða bjargráð standi fólki, sem stendur í þessum sporum, til boða.

Gert er ráð fyrir að fyrirlesturinn standi yfir í um 45 mínútur.

Hugræn atferlismeðferð við svefnleysi

maniais — Sun, 14 Feb 2010 00:00:00 +0000

Svefnleysi er ein algengasta ástæða þess að fólk leitar til læknis. Fjöldi Íslendinga þjáist af langvarandi svefnleysi og er fólki undantekningarlaust gefið svefnlyf. Svefnlyf bæta þó ekki svefn til lengri tíma litið og valda ýmsum aukaverkunum. Rannsóknir sýna að hugræn atferlismeðferð við svefnleysi er árangursríkari og öruggari en svefnlyf. Í Mars 2009 skrifaði Haukur Sigurðsson sálfræðingur pistil í vefrit sálfræðingafélagsins um hugræna atferlismeðferð við svefnleysi, sjá hér.

Geðheilbrigði barna - fræðslubæklingar

maniais — Tue, 26 Jan 2010 00:00:00 +0000

Út eru komnir tveir fræðslubæklingar um geðheilbrigði barna, annar ætlaður unglingum og hinn aðstandendum barna og unglinga. Bæklingarnir eru unnir á vegum Barna- og unglingageðdeildar Landspítala (BUGL) í samstarfi við Landlæknisembættið og Lýðheilsustöð.

Geðheilsa barnsins þíns

Geðheilsan þín skiptir máli

Nánari upplýsingar má finna á vef landlæknis

Hvað get ég gert við of miklar áhyggjur?

maniais — Sun, 15 Nov 2009 00:00:00 +0000

Manía, í samstarfi við Náms- og starfsráðgjöf HÍ, kynnir: Fimmtudaginn 19. nóvember mun Árný Ingvarsdóttir sálfræðingur halda erindi um áhyggjur og kvíða hjá börnum, auk þess að fjalla um bókina "Hvað get ég gert við of miklar áhyggjur?", nýútkomna sjálfshjálparbók fyrir áhyggjufull og kvíðin börn.

Bókin hjálpar börnum og foreldrum þeirra að skilja hvað einkennir hugsun barna með áhyggjur og kvíða og hvernig áhyggjur eru tilkomnar, auk þess að bjóða lausnir sem reynst hafa gagnlegar til að draga úr þeim. Bókin byggir á hugmyndarfræði hugrænnar atferlismeðferðar og inniheldur m.a. verkefni fyrir börnin, sem og leiðbeiningar og fræðslu fyrir foreldra. Þessi gagnvirka sjálfshjálparbók er heilsteypt úrræði til að fræða, hvetja og styrkja börn í því að vinna bug á ofvöxnum áhyggjum.

Höfundur bókarinnar er Dr. Dawn Huebner, en þýðendur og útgefendur eru sálfræðingarnir Árný Ingvarsdóttir og Thelma Gunnarsdóttir.

Erindið verður haldið í stofu 131 í Öskju og hefst kl.12:00. Að erindinu loknu verðu bókin til sölu á tilboðsverði.

Gert er ráð fyrir að fyrirlesturinn standi yfir í um 45 mínútur.

Hlökkum til að sjá sem flesta,
stjórnin.

Þáttur umhverfis við myndun átraskana

maniais — Thu, 05 Nov 2009 00:00:00 +0000

Manía stendur fyrir fyrirlestri, fimmtudaginn 5. nóvember í Öskju, stofu 131, klukkan 12:00. Fyrirlesari er Sigrún Daníelsdóttir.

Sigrún Daníelsdóttir er sálfræðingur í átröskunarteymi Barna- og unglingageðdeildar LSH. Fyrirlestur hennar ber titilinn "Þáttur umhverfis við myndun átraskana" og fjallar um hvernig nútímaumhverfið ýtir undir óánægju með líkamsvöxt, fitufordóma og átraskanir og hvað við getum gert til að breyta þessu.

Gert er ráð fyrir að fyrirlestur Sigrúnar standi yfir í um 45 mínútur.

Hér er hlekkur á blogg Sigrúnar.

Kveðja, stjórnin.

Athyglisverð grein

maniais — Tue, 20 Oct 2009 00:00:00 +0000

Hér er hlekkur á athyglisverða grein sem ber heitið: How to increase serotonin in the human mind without drugs.

Hafa Íslendingar fordóma gagnvart geðrænum vandamálum?

maniais — Mon, 12 Oct 2009 00:00:00 +0000

Niðurstöður birtar úr einni stærstu alþjóðlegu rannsókn sem gerð hefur verið á þessu sviði.

Tökum öll þátt í umræðum um framtíðarsýn og stefnumótun!!

Þann 3.nóvember 2009 er fyrirhuguð ráðstefna sem mun fjalla um fordóma gagnvart einstaklingum með geðræn vandamál frá sjónarhorni félagsfræði, geðlæknisfræði og notenda. Megin tilgangur ráðstefnunnar er að kynna niðurstöður úr nýlegri könnun á viðhorfum Íslendinga til geðrænna vandamála en að rannsókninni standa þau Sigrún Ólafsdóttir, lektor í félagsfræði við Boston University og Jón Gunnar Bernburg, dósent í félagsfræði við Háskóla Íslands. Ráðstefnan er haldin í samstarfi við Hugarafl, Geðlæknafélag Íslands, Félags- og Mannvísindadeild Háskóla Íslands og Félagsfræðingafélag Íslands.

Viðhorfskönnunin er hluti af alþjóðlegri rannsókn sem framkvæmd var í 15 þjóðlöndum. Könnunin var lögð fyrir árið 2006-2007, en farið var í heimsókn til rúmlega 1.000 Íslendinga. Í rannsókninni er spurt um viðhorf svarenda til eðli og orsaka geðrænna vandamála, fordóma gangvart geðrænum vandamálum, notkun á heilbrigðisþjónustu, og um ábyrgð ríkisvaldsins á því að bregðast við geðrænum vandamálum.

Á ráðstefnunni verður fjallað um helstu niðurstöður fyrir Ísland, þar sem metið verður umfang og eðli fordóma gagnvart einstaklingum með geðræn vandamál. Jafnframt munum við setja niðurstöðurnar fyrir Ísland í alþjóðlegt samhengi með því að bera þæ rsaman við niðurstöður frá hinum 14 löndunum.

Að lokinni kynningu niðurstaðnanna munu aðilar sem koma að geðheilbrigðismálum á Íslandi tjá sig um niðurstöðurnar og um fordóma á Íslandi. Ráðgert er að fram fari umræða þar sem að fræðimenn, notendur, heilbrigðisstarfsmenn og stefnumótendur munu fjalla um hvað niðurstöðurnar þýða fyrir íslenskt samfélag og þá sem eiga við geðræn vandamál að stríða. Þar verður sérstakri athygli beint að starfi Hugarafls geng fordómum, en þau samtök hafa markvisst unnið að því að auka þekkingu almennings og ráðamanna m.a. með fræðslu, greinaskrifum, og þátttöku í stefnumótun.

Ráðstefnan verður haldin í Hátíðarsal Háskóla Íslands milli klukkan 13 og 16 og þar verður einnighægt að nálgast skýrslu um niðurstöðurnar.

Allir velkomnir og aðgangur ókeypis!

Forvarna- og fræðslusjóðurinn ÞÚ GETUR!

maniais — Thu, 24 Sep 2009 00:00:00 +0000

N.k miðvikudag 30.september verða styrktartónleikar sjóðsins í Bústaðakirkju. Sjóðurinn hefur að markmiði að styrkja þá til náms sem átt hafa við geðræn veikindi að stríða, að efla nýsköpun og bætta þjónustu við geðsjúka á sviði fræðslu og forvarna og draga úr fordómum í samfélaginu. Á tónleikunum mun sjóðurinn í fyrsta sinn veita styrki en þá hljóta í ár 5 námsmenn. Einnig verður veittur hvatningastyrkur til starfsmanns í heilbrigðisþjónustunni sem lagt hefur til þýðingamiklar nýjungar í geðheilbrigðisþjónustunni.

Miðaverð er kr. 2900 en miðar eru seldir í verslun Lyfju í Lágmúla 5. Þeir verða einnig seldir við innganginn. Nánari upplýsingar er að finna á slóðinni www.stress.is

Alþjóða heilbrigðisdagurinn 10. október

maniais — Thu, 24 Sep 2009 00:00:00 +0000

Alþjóða geðheilbrigðisdagurinn er haldinn 10. október ár hvert. Yfirskrift dagsins á Íslandi í ár er: öflugri og aðgengi- legri geðheilbrigðisþjónusta. Haldið verður upp á daginn í göngugötunni í Mjódd og í húsakynnum Hugarafls að Álfabakka 16, laugardaginn 10. október frá kl. 13:00 – 16:30

Dagskráin byrjar með opnunarávarpi heilbrigðisráðherra og síðan verður boðið upp á fjölbreytt skemmti- og tónlistaratriði fyrir börn og fullorðna. Kynningarbásar verða í göngugötunni þar sem gestir geta fengið margskonar upplýsingar er varða geðheilbrigðismál. Einnig verður boðið upp á veitingar á vægu verði. Heimasíða dagsins er http://www.10okt.com/ Heimasíða WFMH: http://www.wfmh.org/00WorldMentalHealthDay.htm

Manía verður á staðnum með kynningu á félaginu.

Jafnréttisdagar 2009

maniais — Thu, 24 Sep 2009 00:00:00 +0000

Í gær hófust jafnréttisdagar í Háskóla Íslands. Nánar um dagskrá daganna:http://www.hi.is/is/skolinn/jafnrettismal

Manía verður með kynningu á félaginu í dag, fimmtudag í Fjöru, Stakkahlíð milli klukkan 12 og 13 og á morgun, föstudag, á háskólatorgi á sama tíma.

Þjóð gegn þunglyndi

maniais — Fri, 17 Apr 2009 00:00:00 +0000

Þunglyndi er alvarleg röskun sem getur lagst á alla. Þunglyndi fer ekki í manngreinarálit, allir geta orðið þunglyndir, ungir og aldnir, konur og karlar, óháð stétt og stöðu. Á Íslandi þjást 12-15 þúsund manns af þunglyndi á hverjum tíma. Þótt þunglyndi sé svo algengt gerir fólk sér oft sér litla grein fyrir eðli þess og þar gætir oft misskilnings. Þunglyndi er ekki merki um dugleysi, ekki fremur en sykursýki eða of hár blóðþrýstingur.

Þunglyndi hefur margvísleg einkenni, sem öll hafa í för með sér að draga úr lífsgleði og framtaki, lækka geðslag, hægja á hugsunum og atferli. Allt þetta dregur úr þreki einstaklings til að sinna daglegum skyldum, rækta fjölskyldu og vini.

Ef þunglyndið greinist ekki leiðir það til óþarfra þjáninga og viðvarandi röskunar á starfsgetu og lífsnautn. Þegar verst lætur getur þunglyndið stefnt lífi sjúklings í óefni, jafnvel sjálfsvígshættu.

Landlæknisembættið hefur starfrækt verkefnið Þjóð gegn þunglyndi síðan vorið 2003. Hægt er að kynna sér verkefnið á síðu Landlæknis. Slóðin er: http://www.landlaeknir.is/Thjodgegnthunglyndi

Ný stjórn

maniais — Sat, 28 Mar 2009 00:00:00 +0000

Aðalfundur stjórnar Maníu var haldinn í gær, 27.mars. Ný stjórn var kjörin og hana skipa eftirfarandi:

Berglind Óladóttir formaður
Sesselja María Mortensen varaformaður
Olga Jenný Gunnarsdóttir ritari
Ragnheiður J. Sverrisdóttir gjaldkeri
Guðmundur D. Haraldsson vefstjóri
Ellen Dögg Sigurjónsdóttir meðstjórnandi

Félagið býður Olgu, Guðmund og Ellen velkomin til starfa.

Um námsráðgjöf HÍ og sálfræðilega ráðgjöf

maniais — Fri, 27 Mar 2009 00:00:00 +0000

Áhugaverð stutt grein á student.is, Þegar við bognum:
http://www.student.is/frettir_studentatorgs/thegar_vid_bognum

Geðspekivefur Háskóla Íslands

maniais — Fri, 27 Mar 2009 00:00:00 +0000

Hinn 22.febrúar sl. var svokallaður geðspekivefur HÍ opnaður formlega. Markmið Geðspekivefsins er að skapa jákvæða umræðu um geðheilsu og vekja athygli á hárri tíðni álagsþátta meðal háskólanema. Vefnum er ætlað að dýpka þekkingu á geðheilbrigði, geðröskunum, áhættuþáttum og meðferðarúrræðum og stuðla þannig að geðheilbrigði.

Manía fagnar opnun síðunnar og vonar að hún komi fólki að góðum notum.

Slóðin er: http://ged.hi.is/

Aðalfundur félagsins

maniais — Fri, 13 Mar 2009 00:00:00 +0000

Þann 27.mars nk. verður kosið í nýja stjórn hjá félaginu. Við leitum að áhugasömu fólki sem er tilbúið að taka þátt í starfi félagsins og efla þannig geðvernd innan Háskóla Íslands. Ýmislegt spennandi er framundan hjá og því kjörið tækifæri fyrir þá sem hafa áhuga á málefninu að bjóða sig fram til forystu.

Áhugasamir sendi framboð sitt eða fyrirspurnir á netfangið berglind@mania.is

Kosið verður um:
-formann
-fjóra stjórnarmenn (varamann, ritara, gjaldkera og vefstjóra)
-þrjá varamenn

Fundurinn verður haldinn í stofu 222 í Aðalbyggingu HÍ og hefst klukkan 13:30.

Bestu kveðjur,
stjórn Maníu.

Kæru stúdentar og starfsmenn Háskóla Íslands

maniais — Tue, 24 Feb 2009 00:00:00 +0000

Manía er geðverndarfélag innan Háskóla Íslands, ætlað öllum þeim sem hafa áhuga á geðheilbrigði og málefnum háskólafólks með geðraskanir.

Markmið félagsins er að vinna að bættri þjónustu við stúdenta og starfsmenn HÍ meðal annars með því að standa fyrir opinni og upplýstri umræðu um geðheilbrigði og geðraskanir og stuðla að samstarfi við nefndir og stofnanir sem fara með málefni háskólafólks með geðraskanir.

Allir í háskólanum eru velkomnir í Maníu, hvort sem þeir eru haldnir geðröskun eða ekki. Sameiginlegt áhugamál okkar allra er að stuðla að góðu geðheilbrigði innan Háskóla Íslands.

Félagið opnaði nýverið þessa nýju heimasíðu og eru áhugasamir hvattir til að kynna sér hana og félagið. Um leið viljum við óska eftir fólki til starfa með stjórninni, greinum, reynslusögum, hugmyndum og öllu því sem hugsanlega gæti átt erindi við félagið og heimasíðu þess.

Einnig viljum við benda fólki á að leita til félagsins ef það telur sig hafa orðið fyrir einhverskonar mismunun innan skólans vegna geðrænna erfiðleika.

Það kostar ekkert að gerast félagi í Maníu. Þið farið einfaldlega inn á póstlistann og skráið ykkur.

Framundan hjá félaginu er meðal annars:

-skipulagning sjálfshjálparhóps innan HÍ í samvinnu við sálfræðing, en fyrirhugað er að stofna slíkan hóp í byrjun haustannar 2009,
-opnir fundir þar sem fólki gefst tækifæri til að koma og ræða við stjórn félagsins,
-fyrirlestrar þar sem einstaklingar með geðraskanir munu lýsa reynslu sinni,
-aðalfundur þar sem ný stjórn verður kosin.

Með bestu kveðju,
stjórn Maníu.

Vorönn 2009

maniais — Sat, 05 Apr 2008 00:00:00 +0000

Jæja, þá er nám hafið á ný eftir jólafrí og flestir að komast aftur í námsgírinn. Manía hefur á sl. önn verið í undirbúnings- og skipulagsstarfi þar sem starfssemi félagsins hefur verið í endurskoðun og mótun. Félagið fjárfesti í nýrri heimasíðu þar sem fyrri heimasíða hafði gert því lífið leitt. Sérstakar þakkir fær Valdimar Örn Matthíasson fyrir óeigingjarnt starf sitt en hann smíðaði vefinn fyrir félagið.

02.02.09

Ný stjórn

Ný stjórn Maníu var kjörin nú á dögunum. Hana skipa eftirfarandi:

Berglind Óladóttir formaður
Sesselja María Mortensen varaformaður
Herdís Eiríksdóttir ritari
Ragnheiður J. Sverrisdóttir gjaldkeri

Sjá nánari upplýsingar um stjórn undir flipanum Félagið / Stjórn.

Kosningar

maniais — Fri, 21 Mar 2008 00:00:00 +0000

Þann 26. mars verður kosið í nýja stjórn Maníu. Við leitum að áhugasömu fólki sem er tilbúið að taka þátt í starfi félagsins og efla geðvernd innan veggja Háskóla Íslands.

Félagið var stofnað á Alþjóða geðheilbrigðisdaginn, 10. október árið 2005. Manía er ópólitískt félag og gengur þvert á allar deildir háskólans. Okkar sameiginlega áhugamál er að stuðla að góðu geðheilbrigði í Háskóla Íslands og því eru allir velkomnir í félagið, hvort sem þeir eru haldnir geðröskun eða ekki. Núverandi stjórn hefur unnið við að byggja upp félagið og nú er kominn tími fyrir nýtt fólk að taka við.

Ef þú ert tilbúinn að taka þátt í mótun framtíðar Maníu þá endilega sendu framboð þitt á netfangið koi1@hi.is fyrir 24 mars. Kosið verður um:
-Formann
-Fjóra stjórnarmenn, (varaformann, ritara, gjaldkera og vefstjóra)
-Þrjá varamenn

Bestu kveðjur.

Muna fyrir 10. apríl!

maniais — Wed, 05 Mar 2008 00:00:00 +0000

Ágæti nemandi,

þurfir þú á sérstökum úrræðum að halda í námi / próftöku við Háskóla Íslands vegna fötlunar, dyslexíu eða af öðrum ástæðum skaltu setja þig í samband við Náms- og
starfsráðgjöf HÍ sem fyrst.

Þeir sem hafa þegar gert samning um úrræði fyrir skólaárið 2007 til 2008 geta leitt þennan póst hjá sér.

Síðustu forvöð til að leita eftir úrræðum vegna prófa er 10. apríl.

Sími: 525-4315
Netfang: radgjof@hi.is

Upplýsingar um þjónustu NSHÍ er að finna á slóðinni:

http://www.hi.is/page/namsradgjof_serurraedi

NSHÍ
Háskólatorg 3. hæð

Sjálfstyrking í námi

maniais — Mon, 11 Feb 2008 00:00:00 +0000

Mania þakkar öllum fyrir að mæta á frábæran fyrirlestur hjá Berglindi um áfallastreitu.
Um leið viljum við minna á gagnlegt námsekið sem er á vegum Náms- og starfsráðfjafar H.Í.
Sjá auglýsingu:

Sjálfsmat hefur áhrif á líðan í námi, starfi og persónulegu lífi. Lágt sjálfsmat getur ýtt undir kvíða og vanmátt í námi. Á námskeiðinu greina nemendur eigið sjálfsmat og læra að byggja upp raunhæft sjálfsmat. Þeim er jafnframt leiðbeint um
leiðir til að takast á við kvíða og sjálfsgagnrýni í tenglum við nám og próftöku.
Námskeiðið byggir á aðferðum hugrænnar atferlismeðferðar. Leiðbeinendur á námskeiðinu eru Ragna Ólafsdóttir sálfræðingur og Hrafnhildur V. Kjartansdóttir náms- og starfsráðgjafi.

Námskeiðið hefst miðvikudaginn 12. mars kl. 13:30 - 15:30 og er í fimm skipti. Verð er kr. 5.000.
Skráning og greiðsla fer fram á þjónustuborði Háskólatorgs. Námskeiðið fer fram á 3.
hæð Háskólatorgs.

kv. Manía

Afleiðingar áfalla og meðferð þeirra

maniais — Mon, 11 Feb 2008 00:00:00 +0000

Félag um hugræna atferlismeðferð verður með málþing um afleiðingar áfalla og meðferð þeirra. Málþingið er öllum opið og verður haldið í sal Þjóðminjasafnsins 15. febrúar 2008 kl 13 - 17. Aðgangseyrir á málþingið er 1000 krónur.

Frummælendur verða:

Margrét Blöndal, hjúkrunarfræðingur: Sálræn skyndihjálp í kjölfar áfalla

Sigfinnur Þorleifsson, prestur: Sálgæsla, sérleiki og sviplegir atburðir

Guðbrandur Árni Ísberg, sálfræðingur: Í samræðum við heilann um áfallastreituröskun

Dr. Berglind Guðmundsdóttir, sálfræðingur: Meðferð við áfallastreituröskun og öðrum afleiðingum áfalla

-Sjá nánari upplýsingar á heimasíðu félagsins www.ham.is

kv. Manía

Áfallastreita

maniais — Wed, 06 Feb 2008 00:00:00 +0000

Á miðvikudaginn, þann 6. febrúar, verður haldinn fyrirlestur á vegum MANÍU í Háskóla Íslands. Þar mun Dr. Berglind Guðmundsdóttir sálfræðingur halda erindi um áfallastreitu.
Berglind er með doktorsgráðu í Klínískri Sálfræði frá Ríkisháskólanum í Buffalo í New York-ríki í Bandaríkjunum og hefur hún sérhæft sig í afleiðingum áfalla og meðferð við áfallastreituröskun og stundað rannsóknir á því sviði. Í dag starfar hún á Áfallamiðstöð LSH.

Staðsetning: Aðalbygging, stofa 225.
Tími: Miðvikudagur, kl 12 - 13.
Fyrirlesari: Dr. Berglind Guðmundsdóttir
Efni: Áfallastreita.

Hvetjum alla áhugasama til að mæta!
Stjórn MANÍU.

Loksins loksins !

maniais — Sun, 11 Nov 2007 00:00:00 +0000

Loksins er heimasíða Maníu komin í lag.

Í haust stóð Manía fyrir tveimur fyrirlestrum í HÍ.

Sá fyrri var haldinn 4.október en þar komu tveir menn fram og
töluðu um reynslu sína af geðröskunum. Annars vegar var það Bergþór Grétar Böðvarsson sem er fulltrúi notenda á geðsviði LSH. Fyrirlestur hans bar heitið "Hver veit hvernig mér líður ef enginn trúir mér ?"
Hins vegar talaði Hallgrímur Björgvinsson um reynslu sína en hann er nemandi við HÍ. Erindi sitt kallaði Hallgrímur "Allt um allt". Báðir fluttu þeir afar athyglisverða fyrirlestra um eigin raunir og færum við þeim bestu þakkir fyrir.

Seinni fyrirlesturinn var haldinn 1.nóvember og var gestur okkar að þessu sinni Anna Valdimarsdóttir sálfræðingur. Anna fjallaði um nýjung í sálfræðimeðferð sem hefur að undanförnu verið að skjóta rótum hér á landi og kallast mindfulness (oftast nefnd gjörhygli á íslensku).
Áhugasömum er bent á bókina Mindufulness based cognitive therapy for depression: A new approach to preventing relapse.
http://www.amazon.com/Mindfulness-Based-Cognitive-Therapy-Depression-Preventing/dp/1572307064/ref=sr_1_19/102-9867210-5160145?ie=UTF8&s=books&qid=1193921876&sr=8-19

Kveðja,
Manía.

Skilningur rýfur félagslega einangrun

maniais — Sat, 27 Oct 2007 00:00:00 +0000

(Grein birt í Morgunblaðinu, 9. október, 2007)

„Breytt samfélag, flóknari samfélagsgerðir og áhrif marbreytilegrar menningar“ er yfirskrift Alþjóða geðheilbrigðisdagsins í ár. Dagurinn verður haldinn hátíðlega í ellefta sinn á Íslandi næstkomandi 10. Október. Í tilefni af því vil ég ræða lítillega um geðheilbrigði og um leið kynna geðverndarfélag við Háskóla Íslands.

Þjóðfélagið í dag einkennist af auknum kröfum þess um að lifa við bestu lífsgæði sem völ er á. Vegna aukinna krafa gerum við meiri væntingar til okkar sjálfra sem og annarra. Margir óska sér lengri sólarhring til að komast yfir öll þau verkefni sem þarf að ljúka til að vera fremst í lífsgæðakapphlaupinu. Mikill hraði þjóðfélagsins myndar streitu og álag sem getur reynt á þolþröskuld fólks. Ef álagið er of mikið og varir yfir lengri tíma er eðlilegt að verkefni verða ekki kláruð og væntingar því ekki uppfylltar. Mikilvægt er að vera meðvitaður um getu sína og hafa raunhæfar væntingar svo hægt sé að vera sáttur við sjálfan sig.

Sem sálfræðinemi hef ég öðlast þekkingu á ýmsum geðröskunum og meðferð þeirra. Hins vegar hefur starfsreynsla og félagsstörf á sviði geðheilbrigðismála gefið mér enn frekari skilning á hvað geðraskanir eru. Ég hef lært að allir þeir sem eiga við erfiðleika að stríða hafa það sameiginlegt, að þeir þurfa skilning annarra og njóti virðingar til að geta tekist á við erfiðleikana.

Að búa við félagslega vellíðan er einn þáttur af mörgum sem stuðla að góðu geðheilbrigði. Til að öðlast slíka vellíðan þarf að uppfylla sínar eigin væntingar og annarra. Of miklar kröfur koma í veg fyrir að væntingar verði uppfylltar og því fylgir streita sem hefur áhrif á andlega líðan.

Margir lenda í því að finna sig ekki í neinum félagshópi og draga sig því til hlés frá félagslífinu. Sumir óttast að sig skorti samskiptahæfileika og aðrir telja sig jafnvel að þeir hafi ekki áhuga á félagslegum samskiptum. Oftar en ekki er andleg vanlíðan á borð við kvíða eða þunglyndi orsök slíkrar hugsunar. Veikindi geta breytt hegðun og hugsun fólks og oft er erfitt að fóta sig þegar mætt er litlum skilningi. Vanskilningur annarra á erfiðleikunum viðheldur vítahring félagslegrar einangrunar. Mikilvægt er að halda sig ekki til baka því það getur viðhaldið kvíða og þunglyndi.

Á Alþjóða geðheilbrigðisdeginum 2005, kom hópur fólks saman sem hafði það sameiginlega áhugamál að stuðla að góðu geðheilbrigði innan Háskóla Íslands. Stofnað var geðverndarfélagið Manía. Félagið er öllum opið, hvort sem þeir eru haldnir geðröskun eða ekki. Stefna félagsins er að standa fyrir opinni umræðu um geðvernd, efla samstöðu og stuðla að góðu geðheilbrigði innan Háskóla Íslands. Manía er vettvangur til að rjúfa félagslega einangrun og allir sem finna til vanlíðan af einhverju tagi geta leitað til félagsins. Meðlimir Maníu koma þá til móts við hvern og einn eftir bestu getu.

Með fræðslu er hægt að dýpka þekkingu á margbreytileika geðraskana. Með skilningi og virðingu má styðja stóran og oft gleymdan hluta af þjóðfélaginu.

Höfundur: Kristín Ósk Ingvarsdóttir

Ný stjórn Maníu

maniais — Wed, 19 Sep 2007 00:00:00 +0000

Ný stjórn Maníu var mynduð í byrjun september og hana skipa eftirfarandi:

Kristín Ósk Ingvarsdóttir formaður
Trausti Traustason varaformaður
Sesselja María Mortensen ritari
Vilhjálmur Hjaltalín Jónsson gjaldkeri
Berglind Óladóttir vefstjóri
Ragnheiður J. Sverrisdóttir meðstjórnandi

Allir sem hafa áhuga á viðfangsefnum félagsins eru hvattir til að hafa samband og skrá sig í félagið.

Haust 2007

maniais — Wed, 29 Aug 2007 00:00:00 +0000

Núna fer önnin að byrja (eða þegar byrjuð hjá mörgum) og Manía fer að komast á skrið eftir gott sumarfrí. Ef einhverjir hafa áhuga á að vera með í stjórn eða bara fylgjast með því sem við erum að gera þá endilega sendið okkur póst. Netfangið er maniapostlisti@gmail.com.

Bestu kveðjur.
Kristín, formaður Maníu.

Geðrækt - jafn mikilvæg og líkamsrækt!

maniais — Thu, 15 Mar 2007 00:00:00 +0000

Fimmtudaginn 22. mars verður Ebba með fyrirlestur um geðrækt. Ebba er forstöðuliðþjálfi á geðsviði LHS og lektor við H.A. Fyrirlestrar hennar eru líflegir og er titill fimmtudagsfyrirlestursins Geðrækt - jafn mikilvæg og líkamsrækt! Einnig mun Sigrún Valgarðsdóttir, jafnréttisfulltrúi H. Í. , kynna og vekja athygli á verklagsreglum Háskólans.

Manía hvetur alla að mæta á fyrirlesturinn sem verður í hátíðarsal Aðalbyggingar kl 12.

Sjáumst á fyrirlestrinum!

-Manía

3/15/07

Þjáist þú af prófkvíða?

maniais — Thu, 01 Mar 2007 00:00:00 +0000

Minnum á að þann 7. mars byrjar námskeið um prófkvíða þar sem kenndar eru hagnýtar aðferðir við að hafa áhrif á kvíða á uppbyggilegan máta. Þátttakendur mæta í 5 skipti miðvikudagana 7., 21., 28. mars, 4. og 11 apríl, milli kl. 9.30 og 11.30. Það er Námsráðgjöf HÍ sem stendur fyrir námskeiðinu og stendur skráning yfir á skrifstofu hennar í Félagsstofnun stúdenta og í s. 525-4315nbsp;

Bestu kveðjur,
Stjórn Maníu

Manía 1 árs!!!!

maniais — Mon, 09 Oct 2006 00:00:00 +0000

Þriðjudaginn 10. október er alþjóðlegi geðheilbrigðisdagurinn. Þá er líka liðið eitt ár frá stofnun MANÍU sem er geðverndarfélag innan Háskóla Íslands. Meginmarkmið félagsins er að standa fyrir opinni og upplýstri umræðu innan Háskólans um geðraskanir og geðheilbrigði. Ásamt því að stuðla að samstarfi við nefndir og stofnanir innan Háskólans. Af þessu tilefni ætlum við að standa að fyrirlestri um kvíða og afleiðingar hans.

Fyrirlesturinn heldur Berglind Guðmundsdóttir en hún lauk B.A. námi í sálfræði frá H.Í. Berglind hóf framhaldsnám í University at Buffalo, State University of New York árið 2000. Þar útskrifaðist hún nýlega með doktorsgráðu. Hún hefur sérhæft sig í kvíðaröskunum og áfallastreitu og stundað rannsóknir á afleiðingum áfalla. Í dag starfar hún hjá Sálfræðiþjónustu LSH, á Slysa- og bráðasviði.

Staðsetning: Árnagarður, stofa 311.
Tími: Þriðjudagur, kl 12 – 13.
Fyrirlesari: Berglind Guðmundsdóttir, Ph.D.
Umræða: Kvíði.

Sjáumst
Manía

Ný stjórn og nýtt skólaár

maniais — Wed, 04 Oct 2006 00:00:00 +0000

Ný stjórn Maníu var kosin á dögunum og hana skipa eftirfarandi:

Kristín Ósk -formaður
Karl Jónas -varaformaður
Árni Guðmundsson -ritari
Vilhjálmur Hjaltalín -gjaldkeri
Tinna Mjöll -vefstjóri

Þann 10 okt næstkomandi er eins árs afmæli Maníu, að sjálfsögðu ætlum við að halda upp á daginn og verður dagskráin auglýst síðar.

En það er margt spennandi framundan í vetur og vonumst við til þess að fá sem flesta með okkur í lið.

Bestu kveðjur

Aðalfundur Maníu

maniais — Wed, 05 Apr 2006 00:00:00 +0000

Nú er það orðið ljóst að aðalfundur Maniu verður haldinn næstkomandi föstudag kl 14:00 í stofu 204 í Lögbergi.

Allir velkomnir

Þeir sem hafa áhuga að bjóða sig fram í stjórn hafi samband við Tinnu tmk@hi.is

Allt að gerast!

maniais — Fri, 31 Mar 2006 00:00:00 +0000

Jæja, nú er svo komið að því að hádegiskynning Maníu hefst.

Félagið Manía kemur til með að sitja á borðum í hádeginu frá kl 12:00-13:00 í nk viku að kynna starfsemina.

Planið er sem hér segir:

Mánudagur -Árnagarður
Þriðjudagur- Lögberg
Miðvikudagur -Háskólabíó
Fimmtudagur - Askja

Maníubolir verða til sölu á staðnum, 1000 kr stykkið.

Á föstudaginn kl 14:00 verður svo aðalfundur félagsins. Nánari upplýsingar um staðsetningu fundarins kemur síðar.

Dagskrá aðalfundar er eftirfarandi:
- Kosning fundarstjóra og fundarritara
- Skýrsla stjórnar
- Reikningar félagsins
- Lagabreytingar
- Kosning formanns
- Kosning fjögurra stjórnarmanna
- Kosning þriggja varamanna
- Önnur mál

Ný stjórn Maníu verður kosin á fundinum; er öllum frjálst að bjóða sig fram.
Eftirtalin embætti eru í boði:
- formaður
- varaformaður
- gjaldkeri
- ritari
- meðstjórnandi
- 3 varamenn
Ef þið viljið bjóða ykkur fram, sendið þá póst á tmk@hi.is

Góða helgi

Loxxxxxins

maniais — Thu, 30 Mar 2006 00:00:00 +0000

Jæja, nú er svo komið að því að ég komst inn á síðuna til þess að breyta rótera aðeins í henni.

Sl. föstudag stóð Manía fyrir Gleðidegi og málþingi. Það gekk vonum framar og viljum við koma sérstöku þakklæti til Hugarafls, Geðhjálpar og Þórunnar Egildóttur sem heiðruðu okkur með nærveru sinni.

Einnig viljum við þakka Samkaup fyrir veitingastyrkinn sem var vel þeginn :)

Í næstu viku verður Manía í helstu byggingum á háskólasvæðinu að kynna sig og sína, kynningin verður í hádeginu og verður auglýst á morgun hvar við verðum og hvenær.

Allra bestu kveðjur
Tinna

Um þá góðu hluti sem gerast hægt

maniais — Mon, 30 Jan 2006 00:00:00 +0000

Nú eru liðnir rúmir 3 mánuðir síðan félagið Manía var stofnað með pompi og prakt í stofu 101 í Odda. Félagið var stofnað á Alþjóðlega geðheilbrigðisdaginn og markmið þess er að bæta hag fólks (kennara, stúdenta og stafsfólks) Háskóla Íslands, opna umræðuna um geðraskanir og sporna við fordómum. Margt vatn hefur runnið til sjávar síðan félagið var stofnað, við í stjórn Maníu höfum svo sannarlega ekki setið auðum höndum heldur höfum við unnið markvisst að okkar málum (eins og unnt var). Því miður tekur það mikinn tíma að vinna praktísku málin og eru veggirnir í kerfinu margir og erfiðir viðureignar. Ég ætla ekki að fara útlista þeim vandræðum neitt frekar, nú er að hefjast nýr tími, nú er kominn tími að fá félaga í félagið og hefja starfsemina út á við.
Ég hvet ykkur öll til þess að skrá ykkur í félagið og taka þátt í starfinu. Það eru spennandi tímar framundan.

Bestu kveðjur
Tinna Mjöll